OBRADOIRO DE COCIÑA

Os nenos e nenas de segundo fixeron un obradoiro de cociña no que elaboraron dúas sobremesas deliciosas. Aquí tedes as receitas.

MELÓN CON AMORODOS:

 INGREDIENTES:

Dous melóns franceses

350  gramos de amorodos

Unha cullerada sopeira de azucre

Unha cullerada sopeira de zume de limón

Doce folliñas de menta

1º- Corta os melóns pola metade, horizontalmente e quita as sementes.

 2º- Cunha culleriña, baleira as catro metades, garda as mondas e reserva os anaquiños de polpa nun recipiente.

3º- Corta os amorodos en grandes rodas. Engádelles o azucre e mais o zume de limón. Deixa repousar todo media hora.

4º- Mestura os amorodos e a polpa do melón. Reparte a mestura nas catro mondas e decóraas coas folliñas de menta.

E LISTO PARA SERVIR!!

LARANXAS E POMELOS CON MEL

INGREDIENTES:

Dúas laranxas

Dous pomelos

Dúas culleradas sopeiras de froitos secos.

1º- Pela con moito coidado as laranxas e os pomelos e separa os cuarteiróns.

2º- Coloca os cuarteiróns nunhas copas alternando laranxa e pomelo.

3º- Mestura completamente o zume de laranxa e o mel.

4º- Verte a mestura sobre a froita, esmaga os froitos secos e bótaos por riba en po.

E LISTO PARA COMER!